Este ano os alumnos de Latín de 4º ESO do IES Urbano Lugrís fixemos uns power point sobre a etimoloxía latina dos nomes de todos os nosos compañeiros de clase e o seu significado. Este é o resultado final:

 Este ano os alumnos de latín de 4º da ESO do IES Urbano Lugrís lemos un libro ambientado na época do Imperio Romano titulado A escura luz do Tíber de Lola Gándara. Neste libro pódese ver a vida cotiá dos romanos e tamén se comentan feitos históricos como o gran incendio de Roma e a aparición do cristianismo.

O libro trata da vida dunha rapaza liberta chamada Marcia. A historia sitúase nos anos do Imperio Romano en que Marcia vai vivir a Roma cunha familia moi acomodada e ten como titor a Séneca. Esta familia concédelle unha escrava chamada Tirana, que descobre o misterio dos cristiáns, que se comunicaban entre eles mediante o debuxo dun peixe. Moitos dos cristiáns foron descubertos e asasinados.

A Marcia acontécenlle diferentes historias ao longo do libro, xunto cos seus amigos, familia, etc…Coñece un rapaz moi guapo chamado Fabricio que ao principio é mozo  da súa mellor amiga Claudia pero finalmente acaba casando con ela tras a morte desta no gran incendio de Roma. Esta novela gustounos porque se ve moi ben a vida dunha adolescente na época de Nerón.

Alumnado de Latín 4º ESO

Un bon recurso para aproveitar as novas pizarras dixitais, botádelle un ollo a este vídeo elaborado a base de escenas de películas famosas sobre educación. Non ten desperdicio! http://www.youtube.com/watch?v=MyjUyzTOX5s&feature=email

O mércores 28 de Marzo, tivemos na biblioteca un obradoiro de Regueifas. Foi impartido por LOIS «O CARUNCHO» e PINTO D’HERBÓN, para o alumnado de 3º de ESO.

MOI DIVERTIDO!!

Pincha no enlace se queres ver unha das actuacións públicas destes regueifeiros:           IX Forxa Literaria, Xullo, 2009

Hoxe tivemos na bilbioteca a oportunidade de desfrutar dun estupendo obradoiro de banda deseñada. Impartiuno Abraham Carreira ao alumnado de 1º e 2º da ESO.

Dende 1961, o 27 de Marzo celébrase o «Día Mundial do Teatro».

O alumnado de 1º e 2º de ESO do noso Instituto preparou neste día e previos, un panel informativo sobre o teatro: Concepto, Orixe, Características en distintos lugares e momentos da historia. Elaboraron tamén preguntas para ser contestadas, nos vindeiros días por outros compañeiros-as, lendo os carteis.

Volve de novo a «OLIMPIADA DO SABER».          

Nota 1: Por cuestións organizativas, cambiáronse estas datas. A fase de concurso será entre o 7 e 11 de Maio, seguindo a mesma orde prevista para as actividades.

Nota 2. A 7 de Maio, o concurso paralizouse ao darse de baixa un dos grupos participantes. De momento non se suspende, por si houbera algún outro grupo interesado en concursar.

23 marzo ao 13 de abril: Prazo de inscrición

• 3 persoas como máximo por equipo.
• Os membros dun mesmo equipo poden ser de diferentes clases e cursos.
• Cada equipo debe ter un nome colectivo.
• Inscrición de equipos na biblioteca durante os recreos sinalando o nome colectivo, membros e cursos.

17-20 de abril: Fase de concurso.

• Cada día durante o 2º recreo os equipos responderán a pregunta proposta.
• Poderase utilizar todo o material da biblioteca, en calquera soporte.
• As respostas correctas anunciaranse diariamente na biblioteca.
• Os equipos sumarán 1 punto por cada participante que estea presente ese día e por cada pregunta acertada (Exemplo: 3 participantes, 3 puntos por pregunta; 2 participantes, 2 puntos por pregunta).
• O día 20 de abril no segundo recreo realizarase o reconto final e proclamarase un equipo gañador. Se é necesario, haberá pregunta(s) de desempate.
• O premio para os gañadores permanece en secreto. Será una boa sorpresa!.

ANIMÁDEVOS A PARTICIPAR !!

O 21 de Marzo, dende o ano 1999, celébrase a nivel internacional o «Día da Poesía«.

Na nosa biblioteca, expúxose unha escolma de obras poéticas adaptadas ás idades do noso alumnado e outras de interese para o profesorado en xeral.

Coincide nesta data o día internacional adicado ás persoas con Síndrome de Down.

Para conmemorar esta data, entre outras cousas, o alumnado de 3º da ESO recolleu citas de persoas célebres relacionadas co papel da muller na sociedade. As citas, feitas en cartolinas de cores decoradas, expuxéronse nun taboleiro.

O 19 de Marzo,  alumnado e profesorado asistimos ao centro cívico para disfrutar da representación teatral «Entre nós». Esta obra  aborda, de xeito humorístico, a temática da muller traballadora dentro e fóra do fogar. Foi posta en escena por Teatro da Zarambada, baixo a dirección de Antonio Pena Abad, co patrocinio do noso Concello.